नयाँ भाडादर समायोजनको विरुद्ध यातायात व्यवसायीहरु आन्दोलित, लामो दुरीका सवारी साधन ठप्प

बझाङ : सुदुरपश्चिमका यातायात व्यवसायीहरु आन्दोलित भएका छन् । प्रदेशले तोकेको नयाँ भाडादर समायोजनको विषयमा सहमती हुन नसकेपछि यातायात व्यवसायीहरु हिजोदेखि आन्दोलित भएका हुन् ।

केहिदिन अघि प्रदेश सरकारले प्रदेशका विभिन्न जिल्लामा चल्ने लामोदुरीका सार्वजनिक सवारी साधनको भाडादर तोकेको थियो । जसअन्र्तगत धनगढीदेखी बझाङसम्मको भाडा एक हजार ४१ रुपैयाँ तोकिएको थियो । तर यातायात व्यवसायीहरुले भने पुरानै भाडा एक हजार दुई सय ५० रुपैयाँ लिन पाउनुपर्ने बताएका छन् ।

प्रदेश सरकारले एकलौटी रुपमा भाडादर कायम गरेको भन्दै यातायात व्यवसायीहरुले आज बिहानै देखि यातायातका साधनहरु पुर्णरुपमा बन्द गरेका हुन । लामोदुरीका सार्वजनिक सवारी साधन ठप्प भएपछि जिल्ला आउने र बाहिर जाने यात्रुहरु अलपत्र परेका छन् ।

अहिले धनगढीमा यातायात सञ्चालनको लागि सहमतिको प्रयास भइरहेको जिल्ला जिल्ला ट्राफिक प्रहरी कार्यलय बझाङले जनाएको छ ।