बझाङमा ट्रक र मोटरसाइकल एक आपसमा ठोक्किदा दुईजना घाइते

बझाङ : बझाङमा ट्रक र मोटरसाइकल एक आपसमा ठोक्किदा दुईजना घाइते भएका छन् । जिल्लाको वित्थडचिर गाउँपालिका वडा नं ९ सुनकुडा बजार नजिकैको मोडमा आज दिउँसो ट्रक र सरकारी मोटरसाइकल एक आपसमा ठोक्किदा दुईजना कर्मचारी घाइते भएका हुन् ।

बागथलाबाट डडेल्धुरा तर्फ गैरहेको भे १ ख ३६९१ नम्बरको ट्रक र शुपप्र ०१००१ ब १४२५ नम्बरको मोटरसाइकल एक आपसमा ठोक्किदा मोटरसाइकल चालक दुर्गाथली गाउँपालिका ३ का २५ वर्षिय यज्ञराज धामि र पछाडी सवार बुङ्गल नगरपालिका ५ का शिव ओखेडा घाइते भएका छन् । घाइते दुवैजना आलुजोन बझाङका कर्मचारी र मोटरसाइकल पनि आलुजोनको नै रहेको प्रहरीले जनाएको छ ।

घाइतेहरुको अवस्था सामान्य नै रहेकाले अहिले मेडिकलमा उपचार भैरहेको बताइएको छ । ट्रक चालक बैतडी घर भएका २९ वर्षिय तपेन्द्र चन्दलाई प्रहरीले नियन्त्रणमा लिएर घटनाबारे थप अनुसन्धान भैरहेको जिल्ला प्रहरी कार्यलय बझाङका सुचना अधिकारी एवं प्रहरी निरिक्षक रमेशदत्त अवस्थिले जानकारी दिनुभएको छ ।