महिलालाई जबरजस्तीकरणी गर्न खोज्ने थलाराका एक युवक पक्राउ

बझाङमा आफ्नै भाइ बुहारी नाता पर्ने महिलालाई जवरजस्तिकरणी गर्न खोज्ने एक युवक पक्राउ परेका छन् । जिल्लाको थलारा गाउँपालिका वडा नं २ घर भएका २५ वर्षीय प्रकाश खातीलाई सोही ठाउँकी भाइ बुहारी नाता पर्ने एक २५ वर्षीय महिलालाई जबरजस्ती करणीको प्रयास तथा दुव्र्यवहार गरेको आरोपमा पक्राउ गरिएको हो । 

खातीले पिडित महिलाको घरको ढोका तोडेर आइतबार राति १२ बजे जबरजस्ती गर्न खाजेको प्रहरीले जनाएको छ । जबरजस्तीकणी गर्न खोज्ने खातीको प्रतिकार गर्न खोज्दा पिडित महिला घाइते समेत हुनुभएको छ । 

पिडित महिलाको हात, घाँटी, छाती र खुट्टामा चोट लागेको र उनलाई चैनपुरस्थित महिला सुरक्षित आवास गृहमा राखेर उपचार तथा परामर्शपछि घटनास्थल मुचुल्काका लागि घर पठाइएको सुरक्षित आवास गृहका प्रमुख गिता शाहीले बताउनुभयो । 

पक्राउ परेका आरोपित खाती विरुद्ध पिडित महिलाले जबरजस्ती करणी अन्तर्गतको मुद्धा दर्ता गराउनुभएको छ । पिडित महिलाका श्रीमान विगत ४ वर्षदेखि रोजगारीका लागि भारतमा रहेका छन् ।  पक्राउ परेका खातीलाई जिल्ला प्रहरी कार्यालयको हिरासतमा राखि अनुसन्धान भइरहेको र बुधबार जिल्ला अदालतमा फेरि म्याद थप गरि गहन अनुसन्धान गरिने प्रहरी निरिक्षक तथा सूचना अधिकारी रमेशदत्त अवस्थीले बताउनुभयो ।