सुदूरपश्चिम

जीपको ठक्करबाट बझाङमा दुई बालिका घाइते, चालक र जीप प्रहरी नियन्त्रणमा

जयपृथ्वी खबर

शनिबार, वैशाख २३, २०८०

जीपको ठक्करबाट बझाङमा दुई बालिका घाइते, चालक र जीप प्रहरी नियन्त्रणमा

घाइते जयपृथ्वी नगरपालिका ३ सिमोल्तोलाका ९ वर्षिय आयुस्मा विष्ट र भावना विष्ट

जीपको ठक्करबाट बझाङमा दुई बालिका घाइते भएका छन् । चैनपुर-गोलाई हुँदै तमैल जोड्ने सडकखण्ड अन्तर्गत जयपृथ्वी नगरपालिका ४ भीडमुनी वृद्धाश्रम नजिकै जीपले ठक्कर दिदा जयपृथ्वी नगरपालिका ३ सिमोल्तोलाका दुई बालिका घाइते भएका हुन् ।

घाइते हुनेमा जयपृथ्वी नगरपालिका ३ सिमोल्तोलाका ९ वर्षिय आयुस्मा विष्ट र भावना विष्ट रहेका छन् । आयुस्मा विष्टको टाउको, ढाड र छाती चोट लागेको छ भने भावना विष्टको टाउको ढाड र मुखमा गम्भीर चोट लागेको जिल्ला अस्पताल स्रोतले जनाएको छ । घाइते दुबैको जिल्ला अस्पताल सिमखेतमा उपचार भइरहेको छ ।

चैनपुरबाट खप्तडछान्ना तर्फ गइरहेको चालक धनराज भटराईले चलाएको से १ ज १०५३ नम्बरको जीपले ठक्कर दिएको प्रारम्भिक अनुसन्धानबाट खुलेको जिल्ला प्रहरी कार्यालय बझाङले जनाएको छ ।

जयपृथ्वी नगरपालिका ४ पानकोट पुल अगाडी भीडमुनीमा ठक्कर दिएर फरार भएको जीप जयपृथ्वी नगरपालिका ५ कोटेलीबाट नियन्त्रणमा लिइएको लिइएको प्रहरीले जनाएको छ । अहिले चालक र जीप नियन्त्रणमा लिएर अनुसन्धान भइरहेको बझाङ प्रहरी प्रमुख जागेश्वर भण्डारी बताउनुभयो ।

प्रकाशित मिति: शनिबार, वैशाख २३, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम