सुदूरपश्चिम

बझाङमा हिम पहिरोले एक महिला बेपत्ता

जयपृथ्वी खबर

मंगलबार, वैशाख १९, २०८०

him-pahiro_5eO6jTjZvP.jpg

बझाङ : बझाङको सुर्मा गाउँपालिकामा एक जना यार्सागुम्बा संकलक हिम पहिरोमा बेपत्ता भएकी छन्।

सुर्मा गाउँपालिका(१ देवडी घर भएकी ३३ वर्षीया झल्लादेवी बोहरा बेपत्ता भएकी हुन्। केही दिनअगाडि छोेरासहित सुर्मा गाउँपालिकाको पार्थी हिमालको वनमा यार्सागुम्बा संकलन गर्न गएकी बोहरा हिउँ पहिरोमा बेपत्ता भएकी छन्।

गएराति हिम पहिरो खस्न थालेपछि भाग्ने क्रममा उनी बेपत्ता भएको स्थानीय दिपेन्द्र बोहराले जानकारी दिए। यता प्रहरीले भने घटनाबारे जानकारी लिने प्रयास भइरहेको बताएको छ।

जिल्ला प्रहरी कार्यालय बझाङका सूचना अधिकारी रमेश अवस्थीले घटनाका बारेमा जानकारी लिने प्रयास भइरहेकाले अहिले नै घटनाको पुष्टि गर्न नसकिने जानकारी दिए। प्रहरीले सुर्मा गाउँपालिकामा रहेको चौकीबाट प्रहरी परिचालित गरिएको समेत बताएको छ।

प्रकाशित मिति: मंगलबार, वैशाख १९, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम