राष्ट्रपति रनिङ शिल्ड : छात्रा भलिबल तर्फ सुर्मा गाउँपालिका बन्यो प्रथम

बझाङमा भइरहेको १३ औं जिल्ला स्तरीय राष्ट्रपति रनिङ शिल्ड प्रतियोगिता अन्तर्गत बिहीबार भएका खेलमा छात्रा भलिबल तर्फ प्रथम उपाधी सुर्मा गाउँपालिकाले हात पारेको छ ।

बिहीबार भएको दोस्रो फाइनल खेलमा सुर्मा गाउँपालिले छबिसपाथिभेरा गाउँपालिकालाई २/० को सोझो सेटमा हराउँदै प्रथम उपाधी उचालेको हो भने छबिसपाथिभेराले दोस्रो स्थान ओगट्न सफल भएको छ । 

यस्तै छात्रा तर्फ तेस्रो स्थानका लागि जयपृथ्वी नगरपालिका र वित्थडचिर गाउँपालिकाबीचको खेलमा वित्थडचिर गाउँपालिकाले जयपृथ्वी नगरपालिकालाई २/० को सोझो सेटमा पराजित गरेसँगै वित्थडचिर गाउँपालिका तृतिय स्थान ओगट्न सफल भएको छ ।