बझाङका एक जनाको भारतमा कोरोनाका कारण मृत्यु

बझाङ : बझाङको थलारा गाउँपालिका-४ घर भएका एक जना पुरुषको भारतमा कोरोनाका कारण ज्यान गएको छ । ज्यान जानेमा थलारा- ४ ठिङका ३९ वर्षीय प्रेम डौडे रहेका छन् । 

उनलाई वैशाख ८ गते कोरोना संक्रमण देखिएको र वैशाख ११ गते उनको मृत्यु भएको परिवार स्रोतलाई उदृत गर्दै भारतबाट भरत थापाले बताए । 

भारतमा कोरोना संक्रमणले भयानक रुप लिएकाले मृत्युदर बढेको र डौडे शव जलाउन नपाएको थापाको भनाइ छ । डौडेसँग उनका छोरा भए पनि अन्यले साथ नदिएको बताइएको छ ।

उनी लामो समयदेखि भारतको आन्द्रामा काम गर्दै आएका थिए ।