अत्तरियामा आजबाट महोत्सव सुरु, सर्वसाधारणका लागि ८० र विद्यार्थीका लागि ५० रुपैयाँ टिकट

कैलालीको अत्तरियमा बुधबार (आज) देखि महोत्सव लाग्ने भएको छ। यसका लागि सम्पुर्ण तयारी पुरा भएको अत्तरिया उद्योग वाणिज्य संघले जनाएके छ। ‘सुदूरपश्चिम प्रादेशिक महोत्सव’ आयोजनाका लागि सबै तयारी पुरा भइसकेको अत्तरिया उद्योग वाणिज्य संघका अध्यक्ष अशोकराज देवकोटाले बताएका हुन्।

महोत्सवको बुधबार सुदूरपश्चिम प्रदेश प्रमुख देवराज जोशीले उद्घाटन गर्ने कार्यक्रम समेत तय गरिएको छ। महोत्सवमा १५० व्यवसायीक प्रयोजनका स्टल रहने आयोजकले जनाएको छ।

महोत्सवमा दुई करोडको कारावार तथा झण्डै ८० हजार दर्शकले अवलोकन गर्ने अनुमान आयोजकले गरेको छ। माघ ९ गतेसम्म संचालन हुने महोत्सव अवलोकन गर्न सर्वसाधारणका लागि ८० र विद्यार्थीहरुका लागि ५० रुपैयाँ टिकट तोकिएको छ।