कालंगा गाड जलविधुत आयोजनाबाट बिजुलीको उत्पादन सुरु

निजी क्षेत्रको लगानीमा निमार्ण सम्पन्न भएको कालंगा गाड जलविधुत आयोजनाले आज बाट औपचारिक रुपमा विजुलीको उत्पादन सुरु भएको छ ।

बुङगल नगरपालिका र वित्थडचिर गाँउपालिका अन्र्तगत निमार्ण सम्पन्न भएको आयोजनाले आज बाट १५ मेगावाट विधुत उत्पादन गरी १३२ केभी प्रसारण लाईमा जोडिएको छ ।

वित्थडचिर गाँउपालिका वडा नं ८ रुपैल बाट चमेलिया जलविधुत आयोजनाको सव स्टेशन सम्म १३२ केभी प्रसारण लाईमा विधुत पठाई परिक्षण सुरु गरिएको आयोजना कार्यालयले जनाएको छ ।

आयोजनाले १३२ केभी प्रुसारण लाईन चमेलियामा जोडेका ले प्रसारण लाईनको टावर भएको ठाँउवरपर आवतजावत नगर्न पनि सबैलाई जानकारी गराएको छ ।  बुङल क्षेत्रमा निमार्णाधिन माथिल्लो कालंगा जलविधुत आयोजना, सानीगाड जलविधुत आयोजना पनि परिक्षण उत्पादनको तयारीमा रहेका छन ।

२०७३ सालबाट निमार्ण सुरु गरिएको आयोजनाले चाँडै अन्य आयोजनाको पनि परिक्षण उत्पादन सुरु गर्ने तयारीमा रहेको आयोजनाका संचालक विरेन्द्र मल्लले बताउनु भयो । यो आयोजना सुदुरपश्चिममा अहिले सम्मको निजी क्षेत्रबाट निर्माण भएको सबैभन्दा ठुलो जलविद्युत आयोजना भएको बताइएको छ ।

कालंगा जलविद्युत आयोजनामा माच्छापुच्छ्रे, एनएनबी बैङ्क, सिभिल बैङ्क लगायत १० वटा बैंकसंग ऋण लगानी सम्झौता गरी काम सञ्चालन गरिएको थियो । कालंगा बेसिनमा एउटै समूहले ३ जलविद्युत आयोजना एकसाथ निर्माण गरिरहेको छ । यो आयोजना सम्पन्न गर्न करिब ७ अर्ब रुपैयाँ लागत अनुमान गरिएको छ ।