मालिकार्जुन दार्चुला सेवा समाजको कार्यालयमा चोरी

बझाङ: धनगढी उपमहानगरपालिका–५ तारानगरमा रहेको मालिकार्जुन दार्चुला सेवा समाजको कार्यालय भवनमा चोरी तथा तोडफोड भएको छ। मंगलबार राति चोरी तथा तोडफोड भएको अध्यक्ष महेन्द्रराज पन्तले बताए। चोरले सबै कोठामा तोडफोड गर्नुका साथै दानपात्र फुटाएर नगद रकम लगेको पन्तले बताए।

कार्यालयमा रहेको दराज र दानपात्र फोडेर १५ हजार नगद चोरी भएको पन्तले बताए। यस्तै, भवनको भुइँतलामा रहेको पसलबाट रिचार्ज कार्ड र सामन चोरी भएको समाजका अध्यक्ष पन्तले बताए। तर जिल्ला प्रहरी कार्यालयले कैलालीले भने नगद रकम अझै यकिन नभएको जनाएको छ।