बझाङमा मृत भेटिएका पुरुषको पहिचान खुल्यो

बझाङ : बझाङमा मृत फेला परेका पुरुषको पहिचान खुलेको छ । गत शनिबार जिल्लाको जयपृथ्वी नगरपालिका वडा न ५ खौलाबगर स्थित सेती नदिको किनारमा मृत भेटिएका पुरुषको आज बुधबार पहिचान खुलेको जिल्ला प्रहरी कार्यलय बझाङले जनाएको छ ।

झापाको गौरादह न‌गरपालिका  वडा न ९ घर भएका विक्रम भुजेल रहेको अनुसन्धानको क्रममा खुलेको छ । भुजेल बझाङको तमैल बजार नजिकै सेती नदिमा निर्माणाधीन पुलमा काम गर्दै आएका थिए  ।

मृतकको शरीरमा चोटपटक लागेकाले भिरबाट लडेर मृत्यु भएको हुनसक्ने प्रहरीको अनुमान छ । आफन्तहरुले शव बुझेर मृतकको दाहसंस्कार गरिसकेको जिल्ला प्रहरी कार्यलय बझाङका सुचना अधिकारी रमेशदत्त अवस्थिले बताउनुभयो  ।